Паёми раҳбари Эрон дар бораи тафоҳуми поёни ҷанг
Ахбори байналмилал
Оятуллоҳ Сайидмуҷтабо Хоманаӣ, раҳбари Ҷ.И.Эрон, дар бораи тафоҳумномаи раисони ҷумҳури Эрон ва Омрико паёме содир карданд.
Ба гузориши хабаргузории Форс, матни ин паём ба шарҳи зайл аст:
“Бисмиллоҳир Раҳмонир Раҳим
Миллати пуршӯр ва бовафои Эрон!
Ҳамон гуна, ки мутталеъ шудед, тафоҳумномае байни раисони ҷумҳури Эрон ва Омрико имзо шуд. Дар масири расидан ба ин марҳила, масъулини амр аз сари дилсӯзӣ ва бо ҳусни назар, талошҳои зиёдеро ба амал овараданд ва албата ин раисиҷумҳури Омрико буд, ки аз рӯйи истисол (решакан шудан) аз анвоъи аҳрумҳо барои ин амр истифода мекард.
Банда алалусул (усулан) назари дигаре доштам, вале аз боби таъаҳҳуде, ки раисиҷумҳури мӯҳтарам ба унвони раиси Шӯрои олии амнияти миллӣ аз тарафи худ ва соири аъзо дар посдошти ҳуқуқи миллати Эрон ва ҷабҳаи муқовимат ба банда доданд ва тасреҳ ба қабули масъулияти он намуданд, иҷозаи онро содир намудам.
Эшон (раиси ҷумҳури мӯҳтарам) ҳамчунин тасреҳ кардаанд, ки агар тарафи омрикоӣ бихоҳад зиёдахоҳӣ кунад, зери бори он нахоҳанд рафт.
Аз ин лаҳза, мо яъне шумо, миллати сарафроз ва ин ходими ночиз, мунтазири таҳаққуқи шурути гуфташуда хоҳем буд.
Аммо бадеҳист, музокироти ҳузурӣ, ки дар оянда барқарор хоҳад шуд, ба маънии пазириши назари душман нахоҳад буд.
Умедворем, ки дуои хайри сарварамон (аҷҷалллоҳу таъоло фараҷаҳуш шариф) анвоъи нусратҳо ва футуҳот барои миллати бошарафи Эрон ба армуғон оварад.
Вассалому алайкум ва раҳматуллоҳи баракотуҳу
Сайидмуҷтабо Ҳусайнии Хоманаӣ
28-хурдоди 1405 (шамсӣ)”
Тоҷнек
