Ҳикматнома
Мактаби инсоният
“Дониш мероси гаронбаҳо ва одоб зеварҳои ҳамеша тоза ва андеша оинае шаффоф аст.”
“Чи басо касоне, ки бо ситоиши дигарон фиреб хӯрданд.”
“Чун дунё бар касе рӯй оварад, некиҳои дигаронро ба ӯ орият диҳад. Ва чун (дунё) аз ӯ рӯй баргардонад, хубиҳои ӯро низ бибарад.”
“Бо мардум он гуна муошират кунед, ки агар мурдед, бар шумо ашк резанд ва агар зинда мондед, бо иштиёқ сӯйи шумо оянд.”
“Агар бар душманат даст ёфтӣ, бахшидани ӯро шукронаи пирӯзии худ қарор деҳ.”
“Нотавонтарини мардум касе аст, ки дар дӯстёбӣ нотавон аст. Ва аз ӯ нотавонтар он касе аст, ки дӯстони худро аз даст бидиҳад.”
“Аз лағзиши ҷавонмардон даргузаред, чун ҷавонмарде намелағзад магар ин ки дасти лутфи Худованд ӯро баланд мекунад.”
“Касе, ки кирдораш ӯро ба ҷойе нарасонад, ифтихороти хонадонаш ӯро ба ҷойе нахоҳад расонд.”
“Аз каффораи гуноҳони бузург ин аст, ки ба фарёди мардум бирасӣ ва мусибатдидагонро ором бикунӣ.”
“Касе чизеро дар дил пинҳон накард магар он ки дар лағзишҳои забон ва ранги рухсораш ошкор хоҳад шуд.”
(Наҳҷулбалоға)
tajnek.com
Тоҷнек
