Хатои стратегӣ
Dr. Nooralhaq Nasimi:
Раҳмонуф ва хатои сиёсӣ[-и ӯ] дар Созмони Милали Муттаҳид
Чанд рӯз қабл, Эмомалии Раҳмон, раиси ҷумҳури Тоҷикистон, дар нишасти солонаи Маҷмаи умумии Созмони Милали Муттаҳид, аз ҷомеаи ҷаҳонӣ хост, то барои кумаки иқтисодӣ ба Афғонистони таҳти ҳокимияти Толибон иқдом кунад.
Ин мавзеъгирӣ дар шароите матраҳ шуд, ки трибун (минбар)-и Созмони Милали Муттаҳид танҳо соле як бор ба раҳбарони ҷаҳон фурсат медиҳад, то мушкилоти сиёсӣ, иқтисодӣ ва иҷтимоъии кишварҳои худро бо ҷомеаи ҷаҳонӣ дар миён бигузоранд.
Ин суханони Раҳмонуф, беш аз он ки аз мавзеи дилсӯзӣ барои мардуми Афғонистон бархоста бошад, бӯи лоббигарии сиёсӣ дар ҷиҳати машрӯъиятбахшии ғайримустақим ба Толибон медиҳад – гурӯҳе, ки на аз сӯи мардуми Афғонистон пазируфта шуда ва на аз сӯи ҷомеъаи ҷаҳонӣ ба расмият шинохта шудааст.
Дар ин миён, набояд фаромӯш кард, ки Ҷумҳурии Тоҷикистон бо ҷамъияте ҳудуди даҳ милюн нафар, яке аз фақиртарин кишварҳои Осиёи Миёна аст ва бахши бузурге аз иқтисоди он бар даромади коргарони муҳоҷир дар Русия муттакӣ аст.
Ин воқеияти талх нишон медиҳад, ки Тоҷикистон беш аз ҳар замони дигар зери сояи сиёсатҳои Кремлин қарор дорад ва гоҳ дар нақши муҷрии сиёсатҳои Мускув дар минтақа амал мекунад.
Аз сӯи дигар, равобити наздики Раҳмонуф бо Влодимир Путин бори дигар ёдовари рӯзҳои талхи гузашта аст – ҳамон русҳое, ки дар даврони Шӯравӣ бо ишғоли Самарқанду Бухоро [ин шаҳрҳоро] аз пайкари Тоҷикистони торихӣ буриданд ва забони форсиро дар мадорис ва ниҳодҳои фарҳангии тоҷикон мамнӯъ сохтанд.
Бо ин ҳол, раҳбарони кунунии Тоҷикистон ҳанӯз бо фарш сурх аз Путин истиқбол мекунанд ва бар захмҳои торихии миллати худ намак мепошанд.
Ҷои пурсиш аст, ки чиро тоҷикҳо, бо вуҷуди торихи дурахшон ва фарҳанги решадор, ҳанӯз ба манофеъи миллӣ ва қавмии хеш авлавият намедиҳанд?
Чиро ҳамеша дар хидмати сиёсатҳое қарор мегиранд, ки дар ниҳоят ба зиёни миллатҳои форсизабон ва минтақа тамом мешавад?
Агар имрӯз раҳбарони Тоҷикистон ба ҷои дифоъ аз мардуми Афғонистон, дар пайи машрӯъиятбахшӣ ба Толибон бошанд, на танҳо дар торих посухгӯ хоҳанд буд, балки дар баробари миллати хеш низ ба ъунвони ҳомиёни ғайримустақими истибдоди мазҳабӣ шинохта хоҳанд шуд.
Бо эҳтиром, дуктур Насимӣ/Ландан
tajnek.com
Тоҷнек
